Espira Hollund, Bremnes i Bømlo kommune

Om barnehagen

Espira Hollund er ein ny og moderne barnehage på Urangsvåg i Bømlo kommune. Barnehagen ligg godt skjerma frå trafikk og støy, med Hollundsmarka som næraste nabo, men er samstundes lett tilgjengeleg for levering og henting.

Vi er ein liten barnehage, noko som gjer at vi kan gi kvart enkelt barn tett oppfølging.

Vi legg vekt på at barna skal oppleve meistring, vennskap, omsorg og læringsglede kvar dag. Hos oss møter de ein positiv og engasjert gjeng som ønskjer å gi barna dykkar ein trygg, kjekk og lærerik barndom.

Uteområdet og nærmiljøet

Uteområdet er stort og variert, med ulendt terreng der barna får bruke kroppen aktivt og oppleve naturen tett på. Vi har mellom anna:

• både trygge klatrestativ og naturlege leikeområde
• eigen bålplass i barnehagen, der vi lagar mat fleire gonger i veka
• lavvoar som vi bruker til både leik og måltid
• alle barna får låne gode Viking-parkdressar til alle årstider, som dei òg kan ta med seg heim

I tillegg til flotte turområde i nærmiljøet ligg barnehagen ikkje langt unna Svortland, Meling og Gilje skule. Turar til Gåslandsmarka, Fet og Urangsvågen gir variasjon og rom for leik, utforsking og gode naturopplevingar.

Mat og måltid

Espira Hollund er ein matpakkefri barnehage – ein ting mindre å tenkje på i ein travel kvardag! Dette gir barna:

• tre sunne og varierte måltid kvar dag
• nye smakar og matopplevingar
• både varme og kalde rettar
• rikeleg med frukt og grønsaker

Måltida er ein viktig sosial arena der barna får snakke saman, bli sette og delta aktivt. Ved lavvoen lagar vi ofte varm lunsj på bål, og barna får vere med i matlaginga. Dette gir både meistring, læring og gode minne.

Visste du at mellom 40 og 60 prosent av det daglege energiinntaket til barnet blir dekt i barnehagen? Derfor har barnehagen stor påverknad på barna sine matvanar, kosthald og helse.

Slik støttar vi utviklinga til barna

I Espira Hollund arbeider vi systematisk med språk, realfag og bevegelse fordi vi veit at dette gir barna eit godt og trygt grunnlag, både til skulestart og vidare i livet. Vi er til stades i kvardagen og planlegg aktivitetar ut frå behova, interessene og utviklinga til barna.

• Hos oss får barna bruke nysgjerrigheita si, utvikle ferdigheiter og oppleve glede gjennom leik og samspel.
• Vi er med på lokale satsingar knytte til språk og inkludering.

Språk

Vi gir barna gode språkerfaringar gjennom leik, kvardagssituasjonar og organiserte aktivitetar. Mellom anna har vi:

• Spirebibliotek som gjer bøker lett tilgjengelege for barn, ansatte og foreldre
• moglegheit til å låne bøker med heim
• høgtlesing, samtalar og rollespel
• dagtavler og visuelle hjelpemiddel
• små språkgrupper leia av fagpedagog

Realfag

I vårt eige forskarrom får barna utforske realfag i trygge og spennande omgjevnader. Her kan dei eksperimentere, byggje, undersøkje og undre seg saman med personalet.

Barna får møte matematikk og naturfag gjennom eigne erfaringar, eksperiment og prosjekt som er tilpassa alder og interesser.

Bevegelse

Hos oss er fysisk aktivitet ein naturleg del av kvardagen. Derfor har vi:

• eit stort uteområde som er lagt til rette for leik, sykling og bevegelse
• eigen lavvo som blir brukt til både leik og måltid
• gymsal med rom for morosame og lærerike aktivitetar
• trygg tilvenning til vatn for dei eldste barna, både i basseng og sjø, alltid saman med ansvarlege vaksne
• trygge og gode syklar som gjer at vi kan utforske nærområda saman

Vi ønskjer å gi barna gode opplevingar kvar dag – gjennom leik, læring, vennskap og meistring i eit trygt og inkluderande miljø.

Skolespire – frå barnehage til skule

Dei eldste barna i Espira-barnehagene kalles «Skolespirer». Skolespirene har si eiga avdeling og startar året med høgtidleg utdeling av skolespire-sekkar. Dei flyttar inn på nytt avdelingsrom med eigen garderobe tilrettelagt for å gi både meistring og tryggleik. Barna får prøve sjølv, oppleve fellesskap og besøke både skular og verksemder. Dei har faste turar, tilvenning i vatn året rundt i Djupedalen i Uransvågen like ved, og aktivitetar som gjer overgangen til skulen både trygg og spanande.